Годишниот метеорски дожд „Геминиди“ кој започна на 4 декември го достигнува својот врв оваа недела, а ноќта помеѓу сабота, 13 декември, до раните часови на недела, 14 декември, е најдобро време за набљудување.

Тоа е еден од најдобрите метеорски дождови во годината, со до 120 светли и шарени метеори кои често се видливи низ северната хемисфера, пишува „Форбс“.

Под темно небо, „Геминидите“ можат да произведат до 120 метеори на час кои имаат тенденција да бидат светли, бавни, а понекогаш и шарени, честопати оставајќи светлечки траги низ небото.

„Ѕвездите што паѓаат“ – ситни метеорити што ја погодуваат атмосферата на Земјата – ќе изгледаат како да зрачат од соѕвездието Близнаци. Сепак, не треба да гледате директно во точката на зрачење за да ги видите бидејќи метеорите можат да се појават насекаде над вас.

Повеќето метеорски дождови е најдобро да се набљудува помеѓу полноќ и 4:00 часот наутро, но бидејќи „Геминиди“ ќе биде високо на небото од околу 22:00 часот, ова е метеорски дожд во кој можете да уживате доцна во сабота, 13 декември.

Опаѓачката полумесечина ќе изгрее околу 2:00 часот наутро на 14 декември, па поголемиот дел од ноќта ќе биде без месечина, што го прави совршено за гледање. Според Американското метеорско друштво, метеорскиот дож може да го видите по изгрејсонцето со тоа што ќе бидете свртени кон запад со изгрејсонцето зад вас.

„Геминиди“ се необични бидејќи се предизвикани од карпест објект сличен на астероид наречен 3200 Фетон, а не од типична ледена комета. Повеќето метеорски дождови се предизвикани од минување на Земјата низ поток од мраз и прашина оставен во внатрешниот Сончев систем од комета, при што потокот се освежува секој пат кога кометата орбитира околу сонцето.

Истражувањата во 2023 година открија дека „Геминидите“ не биле предизвикани само од 3200 Фетон, туку биле создадени за време на катастрофален настан – судир со голема брзина помеѓу два објекти или гасна експлозија.