Бранко Тамше доби отказ во ППД Загреб после убедливиот пораз во Данска од Алборг во Лигата на шампионите, а како што пренесуваат хрватските медиуми, во вторник напладне на прес конференција црногорскиот стручњак Веселин Вујовиќ ќе биде промовиран како нов тренер на ППД Загреб.

Како најголем кандидат за наследник на Тамше се појави името на Вујовиќ, добро познат во нашата ракометна јавност, па „24sata.hr“ го контактираше, а популарниот Вујо ги потврди гласините.

– Да, вистина е, се враќам во Загреб, па ќе ме видите на презентацијата. Ќе бидам повторно тренер на Загреб – рече Вујовиќ.

По вторпат во својата тренерска кариера селекторот на Словенија ќе биде на клупата на ППД Загреб, претходно го водеше клубот од 2014 до 2016 година како замена за Лино Червар.

Тогаш ги освои трофеите во првенството и националниот куп, а во Лигата на шампионите стигна до осминафиналето каде што беше елиминиран од Вардар кој подоцна го освои и првото место.