Актуелниот шампион на Македонија, Еурофарм Пелистер е на чекор до ново звучно засилување. Битолчани планираат да ја засилат позицијата среден бек со израелскиот репрезентативец Јоав Лумбросо кој сезонава настапува за Динамо Букурешт, објави романскиот „Проспорт“

Според пишувањата на романските медиуми, преговорите се во напредна фаза и договорот е блиску до реализација. Во Битола веруваат дека Лумбросо може да донесе креативност и дополнителна сигурност во организацијата на играта, особено во пресрет на предизвиците што ги носи завршницата од сезоната.

Неговото име неодамна се споменуваше и како опција за Вардар, но според актуелните информации, Пелистер е најблиску до неговиот потпис. Во досегашната кариера Израелецот има настапувано и за ТХСВ Ајзенах, Лимож Хендбол и Бенфика, а во Динамо пристигна пред две години.

Пелистер веќе најави засилувања за новата сезона, а вчера беше потврден и трансферот на хрватскиот ракометар Никола Граховац, што укажува дека клубот сериозно ја крои екипата за следните предизвици.

Слован Братислава „украде“ еден од најважните ракометари на Пелистер