Поранешниот пејач на англиската музичка група „Спандау балеј“ е обвинет дека силувал една жена и сексуално нападнал уште шест додека спиеле.

Рос Вилијам Вајлд се појави на суд на 23 јуни 2022 година за гореспоменатите обвиненија, открива „Сан“.

Според судските документи, Вајлд наводно се снимал како сексуално напаѓа шест жени додека тие спиеле. Тој беше обвинет и дека силувал друга жена, изнудувал и објавувал интимни фотографии од жртвата.

На судот му е кажано дека Вајлд е „многу атрактивен“ и „сексуално привлечен“ и е опишан како поранешен секс симбол. Тие, исто така, рекоа дека тој имал темна страна и „откачена“ фантазија да има секс со жени додека тие спијат.

Некои од жените не биле целосно свесни за тоа што се случува додека полицијата не им ја покажала шокантната снимка.

Тој се расплакал во Судот на Карлајл, каде што беше откриено неговото вистинско име – Рос Дејвидсон. Тој беше обвинет за 17 кривични дела, сторени во период од шест години – од 2013 до 2018 година.

Вајлд беше уапсен во четвртокот во домот на неговите родители во Абердин, Шкотска, откако Кралското обвинителство ја овласти полицијата да поднесе обвиненија претходно оваа недела.

Неговиот адвокат Крис Томс пред судот изјави дека тој е професионален музичар и рече дека неговиот клиент цврсто ги негира наводите за силување.

Нему му е одреден и притвор и треба да се појави во судот Вуд Грин во Лондон на 22 јули.

Четири наводни сексуални напади се случиле во неговиот дом во Финчли, северен Лондон, помеѓу октомври 2013 и декември 2017 година, додека друг наводно се случил во хотел во Шрусбери во јуни 2017 година.

Последниот сексуален напад наводно се случил во Кан во мај 2018 година, додека Вајлд бил на филмскиот фестивал, а истиот месец се приклучил на бендот „Спандау балеј“. Тогаш тој го замени оригиналниот пејач на групата, Тони Нендли (62).

Членовите на балетот „Спандау балеј“ го избркаа во живо на утринската емисија „This Morning“ две години подоцна.

Самиот Вајлд подоцна изјавил дека срамот и понижувањето го одвеле на работ и дека се обидел да си го одземе животот додека бил во Кан.

Бендот објави дека никогаш повеќе нема да настапува, освен ако Хедли не им се врати.