Играчот за врска во редовите на Тотенхем, Танги Ндомбеле (23) вели дека на него не влијаеја јавно критиките од менаџерот Жозе Мурињо минатата сезона после мечот со Барнли.

– Се надевам дека следната сезона ќе биде фантастичен, бидејќи ова до сега не е доволно – рече Мурињо во март околу засилувањето за кое е платено 54 милиони фунти во јули 2019 година.

Ндомбеле сега игра многу подобро, а за „Скај спортс“ зборуваше околу таа изјава на португалскиот стратег:

– Неговите зборови не ме повредија, ниту ме мотивираа. Тоа беше нешто што го прифатив, секако не сакаш да слушаш такви зборови, но тоа е во минатата сезона, гледаме во иднината – рече Ндомбеле.

И самиот француски репрезентативец истакна дека е на прав пат и дека во наредните мечеви ќе биде уште подобар.

Tanguy Ndombele Vs Burnleypic.twitter.com/hqQYBYuqmg

— BNS Comps (@BnsComps) October 27, 2020

Му помогна и фактот што константно игра, признава дека му требаше време да се прилагоди на Премиер лигата и ги откри големите амбиции на лондонскиот клуб:

– Секогаш нашата цел е да бидеме помеѓу најдобрите четири екипи. Повеќе од тоа? Зошто да не! Но, никој не освоил титула после шест натпревари. Дури и да сме моментно првопласирани, пред нас ќе има уште 32 меча – додаде Ндомбеле.

Тотенхем сега е на петтата позиција со 11 бодови, два помалку од Евертон и Ливерпул кои го делат првото место во генералниот пласман.