Кошаркарите на актуелните НБА шампиони Оклахома сити тандер ги победија Минесота тимбервулвс, во натпревар кој беше многу понеизвесен отколку што покажува конечниот резултат – 113:105 (24:17, 25:22, 29:32, 35:34).

Минесота држеше егал до самиот крај, израмнувајќи двапати во последната четвртина, последниот пат на 101:101, но не успеа да го сврти резултатот во своја корист.

Иако Оклахома водеше во поголемиот дел од мечот, предноста никогаш не беше убедлива, сè додека Чет Холмгрен не се појави во последните минути. Младиот центар во последната минута и пол, погоди две слободни фрлања, а потоа и тројка за „плус четири“ (108:104) на 37 секунди до крајот на натпреварот.

Шеј Гилџес-Александер иако беше наведен под знак прашалник на листата на повредени поради болест, постигна 40 поени со шест скока и шест асистенции. Играчот на Оклахома ја продолжи својата историска серија – постигна најмалку 20 поени во 91 последователен натпревар, што е трета најдолга серија во историјата на НБА, веднаш зад двете познати серии на Вилт Чемберлен.

Гилџес-Александер има шанса да ја израмни втората најдобра серија на Чемберлен (92) веќе во петок против Феникс.

Со победата, Оклахома стана само петтиот тим во историјата што ја отвори сезоната со учинок 18-1 и се зацврсти на врвот на Западната конференција на НБА Купот (4-0), што ја става многу блиску до пласман во нокаут фазата.

Резултати НБА лиге:

Шарлот хорнетс – Њујорк никс 101:129
Мајами хит – Милвоки бакс 106:103
Оклахома сити тандер – Минесота тимбервулвс 113:105
Торонто репторс – Индијана пејсерс 97:95
Њу Орлеанс пеликанс – Мемфис гризлис 128:133
Голден стејт вориорс – Хјустон рокетс 100:104
Портлан трејлблејзерс – Сан Антонио спарс 102:115
Сакраменто кингс – Феникс санс 100:112