Расел Вестбрук беше казнет од НБА лигата поради непочитување на играта.

Во вторникот екипата на Сакраменто Кингс беше поразена од Детроит Пистонс со 136:127, на натпревар со многу поени, а по мечот во фокусот се најде и искусниот плејмејкер.

Вестбрук доби парична казна од НБА поради симулирање, односно таканаречен „флопинг“. Казната изнесува 2.000 долари, а со неа тој ја надмина границата од половина милион долари платени казни во текот на својата НБА кариера, според статистиките што ги води лигата.

Ова е негова втора казна оваа сезона, а и првата беше во ист износ.

Сакраменто, во меѓувреме, се наоѓа во сериозна резултатска криза – Кингс загубија шест од последните седум натпревари и играат далеку под очекувањата, па јасно е дека ќе имаат тешка задача да се доближат до плеј-офот.