Наумовски се врати во Шкупи, клубот го напуштија Куевен, Нилтињо, Хоџиќ и Абази
Фудбалскиот клуб Шкупи денеска ги почна подготовките за пролетниот дел од сезоната. Од Чаир ги објавија првите заминувања од екипата, тоа е бразилскиот фудбалер Куевен кому договорот му истекуваше на крајот на декември.
Во меѓувреме, со уште тројца фудбалери како Нилтињо, Хоџиќ и Абази, клубот спогодбено ја прекина соработката.
Раководството, стручниот штаб и фудбалерите им се заблагодаруваат на сите овие фудбалери за придонесот додека беа дел од Шкупи, посакувајќи им понатамошни успеси во кариерата.
Од Чаир најавија дека во наредните денови ќе започнат со претставување на нови засилувања со кои се надеваат дека уште повеќе ќе ја зголемат конкуренцијата во тимот за највисоки можни достигнувања.
Во меѓувреме, по разделбата со четворицата фудбалери Куевен, Нилтињо, Хоџиќ и Абази, клубот објави дека во екипата се враќа голманот Кристијан Наумовски кој краток период настапуваше во Брунеи.