НАТО размислува да ги засили сојузничките сили доколку руските трупи останат во Белорусија
НАТО ја разгледува можноста за зголемено воено присуство во балтичките земји и Полска во случај Русија да ги задржи своите трупи во Белорусија по планираната воена вежба, изјави шефот на воената комисија на алијансата.
Во Белорусија, северниот сосед на Украина, Русијаво последниот месец распореди 30.000 војници месец поради заеднички воени вежби, така што вкупниот број руски војници на границите на Украина во моментов е повеќе од 100.000.
Соединетите Држави испратија 3.000 војници во Романија и Полска минатата недела, а Германија соопшти дека размислува да ги засили сегашните воени сили во Литванија.
Можно е натамошно распоредување на сојузничките сили на НАТО, изјави Роб Бауер, холандскиот адмирал член на највисокото стратешко тело на НАТО.
„Размислуваме каде континуирано имаме војници Може да има некои промени во иднина, а тие ќе бидат резултат на ваквиот развој на настаните“, изјави Бауер
„Сè во голема мера зависи, се разбира, од тоа дали руските трупи, кои сега се во Белорусија, ќе останат таму“, додаде тој.
Москва соопшти дека не планира инвазија на Украина, но може да преземе одредена воена акција доколку нејзините безбедносни барања не бидат исполнети.
„Ако обрнете внимание на трупањето на воените сили, Русија всушност би можела да има доволно војници за сериозна инвазија до крајот на овој месец, но не знаеме дали тие имаат вистинска намера да го сторат тоа“, рече Бауер. .
Како дел од последното распоредување на воени сили на границата со Белорусија, гледаме и изградба на полски болници, како и други помошни објекти потребни за поддршка во случај на воен напад, рече Бауер.
„Ако навистина размислувате за инвазија, всушност ви треба повеќе од воени сили. И сè повеќе гледаме такви работи долж границите со Украина и на границата меѓу Белорусија и Украина, што само по себе е многу загрижувачко“, рече тој.