Двајца насилници рано утрово предизвикале инцидент во кафеана во скопската општина Аеродром, кога ја спречувале пејачката да работи и му се заканувале на сопственикот. Како што било пријавено, еден од пијаните гости се претставил како полицаец и физички ја нападнал пејачката, велат од МВР.

Двајцата осомничени се уапсени.

„На 09.04.2026 во 02:13 часот во СВР Скопје С.К. пријави дека во угостителски објект на подрачјето на општина Аеродром имало нарушување на јавниот ред и мир од страна на две лица. Од страна на полициски службеници излезено е на местото на настанот, каде што пријавителот појаснил дека двајца мажи ја спречувале пејачката во локалот да работи, а едниот од нив кој се претставувал дека е од полиција, и физички ја нападнал. Исто така, лицата упатувале закани и кон пријавителот. Од страна на полициските службеници од слобода се лишени Љ.А.(35) и Н.Д.(40) двајцата од Скопје и се преземаат мерки за расчистување на случајот“, пишува во полицискиот билтен.

Кумановец мавтал со нож и пиштол на договорена тепачка и пак завршил натепан од тинејџер