Градинарските растенија често бараат грижа и подготовки за да напредуваат и да бидат заштитени од штетници. Сепак, постои решение кое можете сами да го направите дома за да ја создадете цветната оаза од вашите соништа.

Она што малкумина го знаат е дека витаминот Б го има во повеќето производи за нега на внатрешни и градинарски цвеќиња. Бидејќи свежиот пекарски квасец е одличен извор на витамин Б, користете го за да направите раствор за наводнување на цветни растенија.

Состојки:

– 10 г свеж квасец
– лажичка шеќер
– литар млака вода

Подготовка:

Растворете го квасецот во водата, потоа додадете шеќер и добро измешајте. Оставете ја течноста да отстои најмалку 2 часа, а потоа истурете ја во шише со распрскувач и наводнете ги вашите растенија. Користете го овој раствор за наводнување еднаш на секои десет дена во текот на пролетта и летото, или двапати месечно во текот на есента и зимата. Листовите ќе станат позелени, а цвеќињата ќе бидат побујни и изобилни.

Сличен ефект дава и течноста во која преку ноќ е натопена кора од банана.

Во зима доволно е да го полевате растението со оваа течност двапати месечно, а за време на летните горештини тоа можете да го правите секоја недела.

Зошто цвеќето треба да се прихрани со квасец?

Бидејќи содржи голем број на хранливи материи како витамин Б, фитохормони и ауксин. Оваа комбинација на супстанции доведува до забрзан раст на растенијата, исто како што тестото нараснува кога му се додава квасец.