Наполеон Бонапарт, кој е починат на денешен ден во 1821 година, е еден од најмоќните и највлијателните државници во историјата. Тој важи за највештиот војсководец и стратег досега, како и за најконтроверзниот владетел, пишува „Стил“.

Покрај владетелските способности кои неспорно ги поседувал, Наполеон не можел да се пофали со својот физички изглед. Беше набиен, неуреден и изгледал многу запуштено.

Тој не бил посакуван маж, но сепак успеал да се ожени со омилената жена во општеството – вдовицата на аристократот Александар де Боарне. Жозефина ја биел глас на „лесна жена“, која ужива во луксуз и бара богати љубовници.

Тие се запознале на една забава во 1795 година, на повик на нејзиниот тогашен љубовник Пол Бранс, кој сакал да се ослободи од својата убава придружничка бидејќи си нашол нова љубовница.

Жозефина тогаш имала 32 година, а Наполеон – 26. Тие беа идеален пар, бидејќи таа барала маж кој ќе може да го поддржи нејзиниот екстравагантен начин на живот, додека на него му требала искусна жена, со аристократско потекло, која ќе му овозможи да допре до повисоките слоеви на општеството.

Брак од интерес

Наполеон се вљубил во убавата вдовица уште на првата средба и веднаш ѝ „паднал на колена“. Но, и Жосефина не останала рамнодушна и почнала да му пишува љубовни писма.

„Веќе не доаѓаш кај својата пријателка на која си ѝ драг. Целосно ја напушти. Грешиш, бидејќи таа има многу нежни чувства кон тебе. Дојди утре на ручек кај мене. Треба да те видам, да разговараме за твоите должности“, пишувало во нејзините писма.

Нивните семејства биле против нивната врска, но и покрај тој факт – тие се венчале.

Големата страст ја разбуди љубовта кај нив

Наполеон бил маѓепсан од својата сопруга, како и од нејзините вештини во кревет. Тој бил очаен секогаш кога морал да се раздели од сопругата.

„Утре се враќам во Париз, не се мијте“, ѝ напишал Наполеон на Жозефина во едно писмо, бидејќи изгледа дека му се допаѓал нејзиниот „природен мирис“.

Слугите го опишале нивниот сексуален живот како „исклучително енергичен и екстремно гласен“. Нивните сексуални односи, наводно, биле толку бучни што навечер го буделе целиот дворец.

„Тој води љубов брзо и жестоко. Како пожарникар кој гаси пожар“, изјавила Жозефина за сексуалните вештини на нејзиниот сопруг.

И покрај неговите вештини, Наполеон не ѝ бил доволен на Жозефина, па таа бргу нашла нови љубовници за да се забавува додека Наполеон бил отсутен на бојното поле.

Откако дознал за нејзината прељуба и забележал дека сопругата повеќе не му пишува како порано, Бонапарта бил очаен, додека во него „вриеле“ гневот и љубовта истовремено.

„Веќе не те сакам, напротив, те презирам. Страшна си, многу лигава, многу глупава, многу пепеллива. Воопшто не ми пишуваш, не го сакаш својот сопруг. Ти знаеш какво задоволство ми причинуваат твоите писма, а ти не се удостојуваш да ми напишеш ниту шест реда најбесмислени чкртаници… Се надевам дека наскоро ќе те гушнам цврсто и ќе те опсипам со милиони жешки бакнежи“, стои во едно од неговите писма.

Нејзиното непристојно однесување го нарушило угледот на Наполеон и тој решил да се одмазди. Тој нашол љубовници, а Џозефина дури тогаш сфатила дека сè уште го сака својот сопруг. Таа била преплашена од можноста да го изгуби и се обидувала да му угоди на секој начин.

Изгледа дека креветот бил главната врска меѓу нив и секој пат успевал да ги реши разликите меѓу нив.

Пет години откако станала царица, Џозефина ја загубила титулата. Со тешко срце, Наполеон одлучил да се разведе од Жозефина поради тоа што таа не успеала да му даде наследник. Сепак, тие останале во блиски односи, тој се грижел за нејзините деца до крај, а може да се каже и дека ја сакал до крајот на животот.

„Откако те оставив, јас сум постојано несреќен. Мојата среќа е што сум до тебе. Живеам постојано во сеќавање, на твоите милувања, твоите солзи, твојата нежна грижа. Шармот на неспоредливата Жозефина постојано гори, а пламенот гори во моето срце“, напишал Наполеон.