Зголемената количина шеќер во крвта доведува до дијабетес и негови компликации. Покрај тоа, предизвикува нарушувања во работењето на црниот дроб и на урогениталниот систем, предизвикува метаболички нарушувања, кожни болести, развој на катаракта и срцева патологија.

Затоа е многу важно да се препознаат знаците на хипергликемија и навреме да се обратите кај лекар.

Зголемениот шеќер во крвта може да предизвика:

– остро варирање на тежината;

– оштетен вид, појава на мали точки пред очите, оштетување на ноќниот вид;

– вечно ладни раце и нозе;

– лошо заздравување на раните на кожата:

– чешање и оштетување на слузокожата;

– проблем со цревата: чест запек или пролив;

– интензивирано уринирање, особено во текот на ноќта;

– засилена жед, сувост на усните итн.

Народни лекови што можат да го намалат шеќерот во крвта:

Чај од ловоров лист

Ставете 8 ливчиња ловор во 300 мл зовриена вода. Оставете да отстои околу 4 часа. Процедете и земајте по половина чаша 3 пати на ден во текот на 3 дена, а потоа направете пауза од 2 недели.

Напиток со цимет

Еднаш дневно, најдобро наутро, додајте една лажичка цимет во шолја кефир. Промешајте, па испијте го наутро. Оваа мешавина ќе го подобри метаболизмот и ќе го намали шеќерот. Ако не поднесувате млечни производи, циметот додајте го во чајот или во млака вода.

Најдобро е да користите цимет во стапчиња, изрендајте го и ставете го во пијалакот.

Напиток од бел грав

Навечер сипете половина чаша ладна вода, во која ќе додадете три зрна бел грав. Наутро изедете го гравот и испијте ја водата. Еден час потоа ништо не јадете, потоа појадувајте.

Каша од хелда со кефир

Хелдата содржи голема количина на витамините од групата Б, фолна киселина, фосфор, железо и други елементи во трагови што го заситуваат организмот и не влијаат врз зголемувањето на гликозата.

За да направите народен лек од хелда, земете неколку лажици брашно од хелда, прелијте го со кефир и оставете го да отстои преку ноќ. Наутро изедете ја кашата наместо појадок.