НАкС предлага скалесто намалување на платите
Синдикатот предлага воведување солидарен данок на компаниите со добивки над еден милион евра, во иснос од 10 проценти од добивката.
Независниот академски синдикат побара приватниот сектор да го понесе товарот од кризата исто како и јавниот. Од таму предлагаат скалесто намалување на платите на вработените во јавниот сектор од нула проценти за оние со најниски плати, до 30 отсто за оние со највисоки плати, намалување на платите на избраните и именуваните лица за 30 проценти, пренамена на буџетски средства кои не се од витално и ургентно значење во фондот за справување со кризата.
Од таму предлагаат поставување горна граница на висина на плата или до 2000 евра и се што е над таа граница да се слева во фондот за справување со кризата, како и воведување солидарен данок на компаниите со добивки над еден милион евра, во иснос од 10 проценти од добивката која надминува милион евра.
Од синдикатот испратија и остра реакција на предлогот на претседателот на СДСМ Зоран Заев, платите на сите вработени во јавниот сектор да се сведат на минималната плата во наредните два месеци.