Најлудата приказна во летниот преоден рок: Имаше клаузула од 300 милиони евра, а си оди од Барселона по само 29 дена
Последниот ден од летниот преоден рок донесе чудни и неочекувани трансфери, и сигурно еден од нив е тој на Бразилецот Емерсон Ројал.
Според британските медиуми, Емерсон Ројал веќе се наоѓа во Лондон на медицински прегледи по што се очекува да биде потврден неговиот трансфер од Барселона за сума од 30 милиони евра.
Оваа вест не би била чудна и невообичаена доколку Бразилецот пред еден месец не потпиша за Барселона. Имено, на 2. август претседателот на Барселона, Жоан Лапорта го претстави Емерсон Ројал на „Камп Ноу“ притоа порачувајќи:
– Емерсон има откупна клаузула од 300 милиони евра и се надевам дека многу години ќе остане во Барселона.
Но, тоа долго во овој случај е само 29 дена, денеска Бразилецот ќе биде претставен како нов играч на Тотенхем кој плати само 30 милиони евра за неговите услуги.