Кога немате многу време за вапсање на велигденските јајца, нашиот совет е боење со пареа, кое бара минимум труд.
Боењето на велигденски јајца на пареа се смета за најлесен начин за вапсање на велигденските јајца, додека резултатите се неверојатни – комбинации на бои што се прелеваат во фантастични форми.

Што ви е потребно:

– Варени јајца
– Врела вода
– Решетка – сито за цедење
– Бои за јајца – неколку ќесички

Подготовка:

Сипете вода во тенџере, па ставете на шпорет да зоврие.
Врз тенџерето ставете сито и во него ставете ги варените јајца.
Врз нив прелијте неколку ќесички боја и поклопете ги јајцата.
За неколку минути бојата ќе се рашири, а вие ќе добиете совршено обоени јајца.