Најбогатиот клуб на светот и официјално го донесе првото засилување

Трипие потпиша договор на две и пол години/фото: твитер/Newcastle United FC

Њукасл кој со преземањето од страна на Саудискиот инвестициски фонд (ПИФ) стана најбогат клуб на светот, и официјално го донесе првото засилување во новата ера, Киран Трипие од Атлетико Мадрид.

Трипие потпиша две и пол годишен договор со Њукасл, а интересно е што повторно ќе работи со Еди Хау кој во 2011 година го донесе во Барнли.

– Воодушевен сум што дојдов во фантастичен тим како Њукасл. Навистина уживав во Мадрид, но кога станав свесен за интересот на Њукасл чиј тренер е Еди Хау со кого работев во минатото, знаев дека ова е клубот во кој сакам да дојдам. Свесен сум дека не чека многу работа пред нас, но добро ја познавам Премиер лигата и знам дека Њукасл е неверојатен клуб со многу талентирани фудбалери. Едвај чекам да излезам на „Сент Џејмс Парк“ како играч на Њукасл – изјави Трипие по потпишувањето на договорот.

Трипие во Њукасл доаѓа по две сезони поминати во шпанската Ла Лига, а со Атлетико Мадрид минатата сезона ја освои и титулата. Покрај Атлетико и Барнли, англискиот репрезентативец во кариерата има играно и за Тотенхем и Барнсли.

Видео на денот