Најбараниот фудбалер на Европското првенство доаѓа во Јувентус!?
Италијанскиот репрезентативец Мануел Локатели би можел летово да направи трансфер во редовите на „Старата дама“.
25-годишниот играч за врска од Сасуоло е најбараниот играч во италијанската репрезентација која има одлични партии на Европското првенство. Локатели беше дел од младинската школа на Милан, за „росонерите“ одигра три сезони со 63 настапи, а во 2018 година го облече дресот на Сасуоло каде што е стандарден првотимец.
За италијанската репрезентација дебитираше минатата година во септември и досега има постигнати три гола на 12 настапи. На ЕП беше првотимец во првите два натпревари од групата „А“, во второто коло постигна два гола во победата над Швајцарија (3:0), а доби одмор од селекторот Роберто Манчини за дуелот против Велс.
Важечкиот договор со клубот му истекува во јуни 2023 година, моментно според „Трансфермаркт“ вреди 35 милиони евра.
Италијанскиот стручњак за трансфери, Џанлука Ди Марцио објави дека започнале преговорите меѓу Јувентус и Сасуоло. Јувентус најверојатно ќе му исплати 40 милиони евра, колку што бара Сасуоло, но најавите велат дека ќе го ангажираат на двегодишна позајмица со обврска за откуп на договорот. Таквиот трансфер ќе му помогне на Јуве да го олесни буџетот за оваа сезона.
Сити по Европското првенство ќе го потврди трансферот на Грилиш!