Најавени 20 поети на меѓународниот онлајн поетски фестивал „United World of Poetry”

Трето изданиe на  меѓународниот  онлајн поетски фестивал„United World of Poetry чиј организатор е македонскиот поет од Велес Игор Крајчев ќе се одржи вечер со почеток во 19 часот на You Tube каналот. Најавено е учество на 20 поети од 17 држави во светот.

Трето изданиe на  меѓународниот  онлајн поетски фестивал„United World of Poetry чиј организатор е македонскиот поет од Велес Игор Крајчев ќе се одржи вечер со почеток во 19 часот на You Tube каналот. Најавено е учество на 20 поети од 17 држави во светот.

– Mеѓу поетите, различните  јазици не се пречка на  комуникација, затоа што го зборуваат јазикот на поезијат, потенцира Крајчев.

Свои стихови  ќе читаат  и големиот поет Хусто Хорхе Падрон од Шпанија, добитник на Златниот венец на Струшките вечери на поезијата, поетот-лауреат на Сомервил и универзитетски професор на Универзитетот Масачусетс – Лојд Шварц од САД, потоа, една од најистакнатите македонски поетеси, академик Катица Ќулавкова, универзитетскиот професор на државниот универзитет UNIOESTE во Бразил – Антонио Доницети да Круз, професорот на универзитетот Линчубург во Вирџинија – Педро Лареа, САД/Шпанија, поетот-лауреат на Хардевијк, Холандија – Герт Зомер, еден од најдобрите британски перформанс поети, според весникот „Гардијан” – Марк Гвејн Џонс. 

Најавено е учество и на младата хрватска поетеса Моника Херцег, добитничка на „Мостови на Струга” за 2019 година на Струшките вечери на поезијата, познатиот руски поет и голем пријател на Македонија – Сергеј Главјук и многу други автори.

-Фестивалот „United World of Poetry” полека станува препознатлив кај голем број поетски имиња во светот, и се етаблира како значаен поетски бренд, уште еднаш ги обедини сите светски континенти и ги измеша светските јазици во еден убав поетски колаж, потенцира Крајчев.

Видео на денот