Во планинските подрачја на јужен Бразил научниците открија нов, исклучително мал вид жаба, долга нешто повеќе од еден сантиметар. Новооткриениот вид е наречен Б. Лулаи (B. lulai), по актуелниот бразилски претседател Луиз Инасио Лула да Силва, соопштуваат истражувачи од Државниот универзитет во Саун Пауло, пренесува „Саенс алерт“.

„Со ова именување сакаме да ја поттикнеме поддршката и развојот на иницијативите за зачувување на атлантската прашума, особено кога станува збор за високо ендемските минијатурни жаби“, се наведува во научниот труд чиј коавтор е херпетологот Маркос Борншајн.

Овој вид претставува сосема нов вид жаба слична на краставица, која никогаш претходно не била научно опишана. Според „Саенс алерт“ ова откритие дополнително ја истакнува биолошката разновидност на атлантската прашума, регион кој и покрај својата исклучителна природна вредност е под постојана закана поради сеча, урбанизација и климатски промени.