За увоз на струја во наредната година ќе бидат потребни околу 70 милиони евра, а ова е еден од клучните предизвици со кои ќе се соочи Електростопанството на Црна Гора (ЕПЦГ) со оглед на очекуваниот осуммесечен прекин во работата на Термоцентралата.

EПЦГ оваа година ќе ја заврши со позитивен финансиски резултат, а во 2025 година ќе се соочи со предизвици поради 40 проценти помал расположлив енергетски капацитет поради намалувањето на производството во термоелектраната „Пљевља“, со проценка дека ќе бидат потребни 70 милиони евра да увезува струја. Поради еколошката реконструкција и стопирањето на ТЕ идната година, рудникот за јаглен нема да испорача ниту еден тон јаглен, што ќе биде предизвик за компанијата, но ЕПЦГ очекува да најде некаков аранжман за да не биде загрозена работата на рудникот, пренесува Каматица.