МЗТ Скопје утре со своите навивачи ќе го прослави освојувањето на деветтата титулата
Кошаркарите на МЗТ Скопје кои вчера со победата во Битола од 103:92 славеа со 3:1 во победи во финалето против Пелистер и ја освоија деветтата шампионска титула.
„Металците“ се доминантна сила во македонската кошарка во последната деценија бидејќи сите девет титули во последните десет години.
Бидејќи шампионскиот пехар го кренаа во Битола, „металците“ немаат намера да ги заборават своите верни навивачи „Фамилијата“ и затоа утре во СЦ „Јане Сандански“ заедно ќе го прослават освојувањето на титулата.
Навивачите ќе имаат можност да се фотографираат со шампионскиот пехар и да дружат со кошаркарите кои ја продолжија доминацијата во македонската кошарка.
– Би сакале да ги поканиме сите навивачи, симпатизери и кошаркарски вљубеници да дојдат в недела (12 јуни) во салата „Јане Сандански“ (од главен влез) во периодот помеѓу 17.30 и 18.30 часот да ја искористат можноста да се фотографираат со шампионскиот пехар и со сино-белите кошаркари и тренери – по свој избор. Ова е најмалку што можеме да им го возвратиме за нивната огромна љубов и поддршка што ни ја даваа сезонава, но и низ годините. Се гледаме во сала! – стои меѓу другото во соопштението на МЗТ Скопје.