МЗТ Скопје со покана за настап во АБА лигата!?
Се шпекулира дека во првата АБА лига нема да игра словенечката екипа на Приморска од Копер која влезе во финансиски проблеми…
Аеродромци извисија после финалната одлука од следната сезона (2020/2021) да не се најдат во елитата, ниту во проширувањето од 12 на 14 екипи.
Како што пренесува „bhbasket.ba“, МЗТ Скопје е во големи финансиски проблеми, но клубот има намера повторно да биде дел од најсилната АБА лига.
„Металците“ во АБА2 лигата со месеци беа зад Борац од Чачак, но после поразите во последните натпревари ја освоија третата позиција на табелата. Според најавите играчите на тренерот Ѓорѓи Кочов требаше да играат плејоф за учество во АБА лигата, но не им беше дадена можноста да се борат за „билетот“.
Истиот извор шпекулира дека во првата АБА лига нема да игра словенечката екипа на Приморска од Копер, која влезе во финансиски проблеми кон средината на минатата сезона.
Доколку се испостави ова е вистина, МЗТ ќе добие покана за настап во АБА лигата. Последен пат „штрковите“ настапуваа во ова натпреварување во сезоната 2017/2018.