МЗТ Скопје Аеродром остана без место во плејофот на АБА 2 лигата
Кошаркарите на МЗТ Скопје Аеродром со пораз на гостувањето во Широки, Босна и Херцеговина го завршија својот настап во овогодишното издание на АБА 2 регионалната лига.
Препорачано
Широки беше подобар ривал од составот од актуелниот македонски првак со 111:109, во мечот кој само победа, и тоа со висока позитива, го оставаше нашиот претставник во ситуација да смета на пласман во четвртфиналето.
Во екипата на МЗТ, Мек Кејден запиша 30 поени, имаше и осум скока и седум асистенции. Смит Мексвејн го следеше со 25 поени и четири асистенции), Танасковиќ имаше дабл-дабл учинок од 14 поени и 12 скока, капитенот Дамјан Стојановски даде 11, а Магдевски уште 10 поени, запиша и шест скока и четири асистенции.
Со овој пораз, и ефект од четири победи и исто толку порази, македонскиот шампион го заврши настапот оваа сезона во регионалното натпреварување.
Понатаму оди вториот македонски претставник, екипата на ТФТ, која заврши со учинок 5-3, и ќе игра во плејоф фазата од АБА 2 лигата.
