Директор на јавно претпријатие од Македонска Каменица ќе одговара откако, според МВР, му дозволил на инкасатор од претпријатието, кој имал исполнето услови за пензија, да работи еден месец повеќе.

Со ова, велат од полицијата, директорот значително го оштетил буџетот на комуналното претпријатие – за цели 850 евра, колку што во бруто износ била дополнителната плата на инкасаторот.

„Надворешната канцеларија за криминалистички работи Делчево поднесе кривична пријава Д.Ј.(63) од Делчево поради постоење основи на сомнение за сторено кривично дело „злоупотреба на службената положба и овластување“. Пријавениот, како директор на јавно претпријатие во Македонска Каменица, на вработен референт-инкасант во јавното претпријатие, иако му престанал работниот однос поради исполнување на старосна пензија, му овозможил да врши работни задачи и работни активности за дополнително еден месец повеќе од предвидениот законски работен стаж, со што му овозможил да се стекне со противправна имотна корист за една дополнителна плата во бруто износ од 52.591 денари“, пишува во полицискиот билтен за оваа решителна и робусна акција на полицијата против корупцијата во редовите на функционерите.

Како на филм — насилници во Демиркаписко грабнале момче и го тепале во шума, го терале да признае дека силувало жена