Муричи и дефинитивно ќе игра против Македонија, но Рашица отпадна од комбинација
Напаѓачот на Лацио, Ведат Муричи ќе ја предводи репрезентацијата на Косово против Македонија во полуфиналето од баражот од Лигата на нации, но затоа нема да игра Милот Рашица.
Довчерашниот фудбалер на Фенербахче сè уште не дебитира за новиот тим бидејќи беше позитивен на коронавирус, но ќе му биде на располагање на селекторот на Косово, Бернард Чаландес за натпреварот кој треба да одигра на 8. октомври на Националната Арена „Тодор Проески“.
Натпреварот ќе се игра без навивачи иако УЕФА дозовли капацитетите на стадионите да бидат исполнети до највеќе 30 проценти.
Селекторот Чаландес за дуелот со Македонија ќе смета и на Кастрати од Динамо Загреб, Бериша од Ремс, Рахмани од Наполи, Војвода од Торино.
За да не биде се идеално за нашиот противник, се погрижи фудбалерот на Вердер, Милот Рашица кој е повреден и сигурно нема да настапи против Македонија, исто како и Ујкани од Торино.
Селекторот на Македонија, Игор Ангеловски утре ќе го објави списокот на репрезентативци на кои ќе смета за дуелот со Косово, а на него ќе се најдат и капитенот Горан Пандев и Елиф Елмас чии резултати од тестот на коронавирус се негативни.