Министерот за надворешни работи Тимчо Муцунски денеска преку социјалните мрежи остро го осуди последниот руски ракетен напад врз Украина во кој беше употребена хиперсонична балистичка ракета „Орешник“ во удар врз градот Лавов.

Муцунски ја оцени оваа акција на Москва како „непромислена ескалација“ која, како што наведе, „не само што ја дестабилизира Украина, туку претставува и сериозна закана за регионалната и глобалната безбедност“.

Според шефот на македонската дипломатија, „ваквите дејствија дополнително го поткопуваат меѓународниот правен поредок и ги оддалечуваат напорите за мирно решавање на конфликтот“.

„Стоиме рамо до рамо со Украина и ги поддржуваме напорите предводени од САД и Европа за постигнување сеопфатен и траен мир – цел која ваквата ескалација директно ја поткопува“, порача Муцунски.

Растат тензиите: Во Венецуела досега уапсени петмина Американци