Министерката за труд и социјална политика, Јованка Тренчевска заедно со градоначалникот на Општина Чашка, Горан Стојановски и пратеникот Мухамед Кадриов официјално го означија отпочнувањето на работа на Центарот за лица со попреченост во Општина Чашка.

Дневниот центар се отвора согласно програмата на Владата за изградба, опремување и одржување на објекти за социјална заштита и домови за стари лица за 2021 година

Тренчевска информираше дека центарот ќе им овозможи поддршка на 12 лица со попреченост во Општина Чашка.

Министерството за труд и социјална политика од буџетот за 2021 година обезбеди средства за изведување на градежни работи, за реконструкција и адаптација на дел од зграда, транспорт и монтажа на опрема во Дневен центар за лица со попреченост во Општина Чашка во вкупен износ  4.275.256,00 денари.