Мрачните тајни од златната доба на Холивуд: Ваделе заби поради улогите и децата ги чувале во црни кутии!
Златната доба на Холивуд делува како нешто многу гламурозно, но всушност не е. Старите холивудски филмови кријат многу тајни.
Овие вознемирувачки факти ретко кој ги знае, а би можеле засекогаш да го променат начинот на кој ги гледате филмовите од тој период.
1. Актерките во тоа време биле толку оптеретени со својот изглед што Џоан Крофорд ги извадила задните зади за да има поубав облик на вилицата.
„Имав само 23 години. Тоа се викаше тока, кога ќе ги отстраните задните заби, вилицата ви стои на поелегантен начин. Агентот ми кажа дека ако сакам да работам после 25-годишна возраст, морам да инвестирам во себе и затоа го направив тоа. Тоа не беше реткост“, раскажала таа.
2. Џоан исто така секоја недела на очните капаци ставала борна киселина за да ѝ бидат очите посјајни.
3. Кога децата актери биле непослушни на сет, понекогаш ги ставале во така наречената „црна кутија“, каде за казна морале да седат на парче лед.
4. Во хитот на Хичкок „The Birds“ за актерката Типи Хедрен врзале живи птици, а исто така ги налутиле и фрлиле на неа за да ја снимат легендарната сцена на таванот. Кога го посетил сетот, Кери Грент наводно ѝ рекол: Ти си најхрабрата жена која некогаш сум ја видел.
5. Џин Кели во една прилика за време на снимањето на „Singing in the Rain“ толку многу го навредил танцувањето на Деби Рејнолдс што таа се скрила под клавирот и плачела.
„Доаѓаше на пробите и критикуваше се што правев, никогаш не го слушнав да ме охрабри“, раскажала Деби.
6. Одри Хепбурн својот карактеристичен „поглед на срна“ го оддржувала така што, после нанесување на маскарата, со игла ѝ ја двоеле секоја поединечна трепка.
7. Џеки Купер во својата биографија открил дека не можел да заплаче на клучната сцена кога го снимале филмот „Skippy“, па режисерот (кој инаку му бил вујко) му запретил дека ќе го убие неговото куче доколку не заплаче.
„Почнав да липам толку хистерично што беше премногу за сцената, па мораа да ме смируваат“
Купер инаку во 1931 година бил номиниран за Оскар за таа улога. Имал само 9 години. До ден денес тоа е најмладата личност номинирана за Оскар во историјата.
8. Договорите во тоа време имале „морална клаузула“ со која актерките се обврзувале дека нема да се венчаат и дека мораат да абортираат доколку забременат. Таа клаузула постоела за да „ги спречи ѕвездите да ја уништат својата вредност со скандали“. Наводно Лана Турнер, Џуди Гарланд и Џенет Мекдоналд потајно абортирале, а во јавноста се зборело за тоа дека биле во болница поради операција на слепо црево или инфекција на увото.
9. Во 20-те и 30-те на филмските сетови се користело азбест за да се снимаат сцени во кои вее снег. Некои актери како Стив Меквин, подоцна во животот тешко се разболеле поради таа причина.
10. Хети МекДаниел била првата личност со афро-американско потекло која била номинирана за Оскар и ја освоила наградата за најдобра споредна улога, но хотелот во кој се оддржало доделувањето не било допуштено луѓето од друга раса да присуствуваат. Продуцентот на филмот „Gone with the Wind“ морал преку врски да замоли за услуга за да ја пуштат актерката во зградара. Дури и после тоа, таа морала да седи во позадината.
