Мир на патеката во Валенсија „Рикардо Тормо“ стигна до 12. победа во кариерата, прва во Мотог ГП класата и прва од Големата награда на Малезија 2017 година кога и ја освои титулата во Мото 3 класата.

Веднаш зад младиот Шпанец се најде неговиот клупски колега Алекс Ринс, со што на Сузуки му ја донесоа првата еден-два победа од 1981 година. На третото место се пласира возачот на КТМ, Пол Еспаргаро.

Трката започна завршување на сонот за титула на Франко Морбидели кој падна во првиот круг, а веднаш по него со проблеми се соочија и возачите на Јамаха. Маверик Вињалес имаше проблеми сокочницата, а на стартот од трката се повлече и Валентино Роси. Одлучувачкиот момент на трката се случи во 11. круг кога Мир го искористи киксот на Ринс кој прешироко влезе во свиокот и му го презеде лидерското место и не го испушти со самиот крај на трката.

Благодарение на победата во Валенсија, Мир наредната недела исто така во Валенсија ќе има шанса да му ја донесе титулата на Сузуки по 20 години пауза. Младиот 23-годишен Шпанец има 37 бода повеќе од возачот на Петронас Јамаха, Фабио Квартараро и својот тимски колега, Алекс Ринс, на само две трки до крајот на сезоната.