Научниците открија кои се последните зборови што луѓето можеби ќе ги чујат непосредно пред официјално да умрат и тие може да ве изненадат.

Без разлика дали верувате во задгробен живот или не, единствената сигурност во животот е дека сите ќе умреме еден ден. Не е ништо ново, но научниците учат сè повеќе за тоа што се случува во моментите пред конечно да го напуштиме овој свет.

Кој е медицинскиот протокол кога некој ќе умре?

Првичниот медицински протокол за смрт започнува со официјалното прогласување на смртта. Лекар или медицинска сестра обично ќе потврдат дека нема повеќе знаци на живот, како што се пулс или дишење. Сепак, за некој да биде медицински класифициран како мртов, неговото срце мора да престане да чука и да снабдува крв во мозокот.

Д-р Сем Парнија беше водечки истражувач на студијата во која беа следени 567 мажи и жени чии срца престанаа да чукаат додека беа во болница и кои примија ЦПР помеѓу мај 2017 и март 2020 година во Велика Британија и САД. Помалку од 10 проценти од тие луѓе беа отпуштени од болница.

Истражувачите од Медицинскиот факултет Гросман при Универзитетот Њујорк, кои ја спроведоа студијата, рекоа дека „преживеаните пријавиле уникатни луцидни искуства, вклучувајќи перцепција на одвојување од нивните тела, набљудување настани без болка или стрес и значајна евалуација на нивните животи, вклучувајќи ги нивните постапки, намери и мисли кон другите“.

Кои зборови ги слушаат луѓето пред да умрат?

Клучниот наод беше зголемување на мозочната активност до еден час за време на ЦПР.

Наодот сугерира дека некои пациенти може да ја слушнат својата смрт објавена пред да починат.

„Овие сеќавања и промени на мозочните бранови може да бидат првите знаци на таканареченото искуство близу до смртта, а ние ги евидентиравме за прв пат во голема студија. Нашите резултати даваат докази дека луѓето на работ на смртта и во кома се подложени на уникатно внатрешно свесно искуство, вклучително и свест без стрес“, рекол д-р Парнија.

„Овие живописни искуства не можат да бидат заблуда на нарушен или умирачки мозок, туку уникатно човечко искуство што се случува на работ на смртта“, објаснил водечкиот автор на студијата.

Иако тој забележува дека се потребни повеќе истражувања за да се одговорат нови „интересни прашања за човековата свест, дури и во моментот на смртта“.

„Истражувачите откриле дека овие искуства близу до смртта се разликуваат од халуцинациите, делузиите, илузиите, соништата или свеста предизвикана од ЦПР“, се вели во соопштението за медиумите.

Студијата е објавена во списанието „Resuscitation“, пишува „Лед бајбл“.