По повод 1ви Мај, Денот на работничките права, утрово, младите од Еквалис спроведоа јавна акција пред Министерство за труд и социјална политика. За време на акцијата, 4 волонтерки-активистки од Еквалис читаа 7 приказни од жени-работнички коишто зборуваат за условите во коишто работничките се принудени да работат секој ден.

Седумте приказни се преземени од делото на уметницата Кристина Божурска, „15 хорор приказни од работнички“. Приказните беа прочитани во слободен превод кон Македонски, Албански и Ромски јазик.

Како што велат од Еквалис, оваа јавна акција е со цел да ги потсети релевантните субјекти дека состојбата со работничките права е критична и дека, дополнително на тоа, родовите аспекти се важен фактор којшто мора да се земе предвид при спроведувањето на законите и задоволувањето на правата на работничките и работниците во државата.

Асоцијацијата за едукативен развој Еквалис најаува дека во текот на мај, ќе спроведе повеќе јавни акции коишто имаат ќе за цел да ја кренат јавната свест и да ги потсетат релевантните институции за сериозноста на одредени општествени проблеми важни за младите во државата.