Двајца жители на Кавадарци, на возраст од 23 и 26 години, вчеравечер се уапсени откако некој ги пријавил дека украле јавна клупа поставена на тротоар од улица во градот, соопшти МВР.

„На 03.01.2026 во 22:00 часот, полициски службеници од ОВР Кавадарци ги лишија од слобода Е.М.(23) и А.М.(26), двајцата од Кавадарци, постапувајќи по претходна пријава дека на улица „Видое Смилевски Бато“ во Кавадарци одзеле клупа, сопственост на општина Кавадарци. Полициските службеници извршиле преглед на патничко возило „форд“ со кавадаречки регистарски ознаки, управувано од А.М., каде била пронајдена и одземена клупа“, велат од полицијата.

Двајцата млади крадци се приведени во полициска станица и ќе им биде поднесена кривична пријава, а клупата е вратена на место, додаваат од МВР.

Скопјанец со мотор смртно прегазил пешак во населбата Даме Груев