Млади албански државјани фатени на Ќафасан, сакале да си одат дома со 232 белвици во багажникот
Двајца млади државјани на Албанија биле уапсени на граничниот премин „Ќафасан“, откако полицијата во нивниот автомобил пронашла големо количество риба белвица, соопшти МВР.
„Денеска (12.02.2023), по претходно преземени мерки и активности, полициски службеници од Одделението за прекуграничен криминал Струга и Полициската станица за граничен премин Ќафасан на излез од државата ги привеле Х.Ф.(22) и Ч.Е.(22), двајцата од Република Албанија. При контрола во патничко возило „шкода”, со албански национални ознаки, биле пронајдени 232 парчиња охридска белвица кои биле предмет на недозволена трговија од Република Северна Македонија кон Република Албанија“, се вели во полициското соопштение.
Х.ф. и Ч.Е. се приведени во полициска станица и по целосно документирање на случајот против нив ќе биде поднесен соодветен поднесок.