Македонскиот интернационалец Мирко Ивановски по пауза од седум години повторно се враќа во романскиот фудбал, тој денеска беше промовиран како ново засилување на Динамо Букурешт кој има дури 18 титули во домашниот шампионат.

Ивановски од 2012 до 2014 година настапуваше за екипите на Астра и на Клуж, а сега во Динамо Букурешт доаѓа од редовите на унгарскиот тим Диосѓор.

– Не го заборавив романскиот јазик иако пред седум години си заминав од оваа држава. Искрено можам да кажам дека многу, многу сум среќен што потпишав за Динамо, кој е еден од најголемите клубови во Романија, гигант не само во романски, туку и во европски рамки, клуб со огромен број на навивачи. Дојдов тука за помогнам, и можам да ветам дека ќе давам 100 проценти на секој тренинг, на секој натпревар – изјави Ивановски на промоцијата.

Ивановски кариерата ја започна во Пелистер, а потоа играше за Македонија ЃП, Славија Прага, Арка Гдиња, Видеотон, Болуспор, Славен Белупо, Хајдук Сплит и Диосѓор.