Денеска продолжуваат возбудувањата во фудбалската Конференциска лига со натпреварите од второто коло во групната фаза, Абердин од 21.00 часот на домашен терен ќе игра против ХЈК.

Се очекува и на овој меч од првата минута за шкотскиот тим да игра македонскиот репрезентативен напаѓач Бојан Миовски.

На спротивната страна во составот на финската екипа не е нашиот голман Дејан Илиев кој се опоравува од повредата.

Во групата „Г“ моментно по три бодови имаат ПАОК и Ајнтрахт Франкфурт, а ниту еден ХЈК и Абердин.

Во рамките од групата „Б“, исландскиот Бреидаблик кој ја елиминираше Струга во плеј-офот, ќе игра против Зорја Луганск од Украина.

Овој дуел од 18.45 часот во Рејкјавик помеѓу Бреидаблик и Зорја Луганск ќе го судат арбитри од Македонија предводени од Александар Ставрев, помошници се Дејан Костадинов и Кушрим Лика, а четврти судија е Игор Стојчевски.