Милановиќ: Хрватска нема што да бара во Украина, нема да учествуваме во никаков конфликт

Зоран Милановиќ/ фото: ЕПА

Хрватскиот претседател Зоран Милановиќ, прашан што мисли за состојбата во Украина и за можниот конфликт, едноставно одговори дека не знае ништо околу тој конфликт, пишува хрватски Индекс.

„НАТО го засилува своето присуство, а ние немаме ништо со тоа, ниту ќе имаме. Доколку дојде до ескалација, ќе го повлечеме секој хрватски војник. Тоа нема никаква врска со Украина, туку со политиката на Бајден, каде гледам недоследност и опасно однесување“ тврди Милановиќ.

Тој смета дека постојан различни начини да се спаси Украина, а најлесно тоа би се случило преку економската помош.

„Кога си замина Трамп, кој беше нападнат од Демократите дека се однесува како дадилка кон Путин, новата администрација под притисок на републиканските јастреби, одеднаш изврши притисок врз Пенатгон и Бајден да застанат цврсто против Русија. Гледам силен руски интерес. Ја гледам и Украина. На Украина не и местото во НАТО, тие се една од најкорумпираните земји во светот“ вели Милановиќ.

Според него, најпрвин треба да се смири политичката сцена и да не се допушти „екстремистите да вршат притисок на политиката бидејќи Хрватска во тоа нема да учествува“.

„Пленковиќ колку сака нека и се заканува на Русија, јас нема да дозволам Хрватска да се меша таму. Тој само два пати ја посетил Украина и појма нема што се случува таму“ додава тој.

Пендаровски: Нема одлука за воено учество во Украина, во АРМ процедурално е подигнато нивото на борбена готовност

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот