Младиот англиски напаѓач Теми Абрахам (21) „експлодирашe“ на почетокот од сезоната, постигнувајќи седум голови на шест мечеви во Премиер лигата.

Иако се шпекулираше негово заминување од „Стемфорд бриџ“ после позајмицата во Астон Вила, остана во Челзи и новата шанса ја искористува на најдобар можен начин. Талентираниот напаѓач бил во преговори со Милан, но на „Сан Сиро“ не го сакаа, бидејќи сметаат дека нема доволно искуство да игра во најсилната италијанска лига.

Моментно Абрахам е на второто место на листата најдобри стрелци досега сезонава во Премиер лигата, само еден помалку од Серхио Агуеро, играчот на Манчестер сити.

Абрахам запиша хет-трик во гостинскиот триумф на лондонските „сини“ кај Вулверхемптон, а по два погодоци запиша против Шефилд јунајтед (2:2) и победата над Норич (2:3).

Можеби сега и жали Милан за пропуштената шанса, а таков одличен голгетер добро ќе им дојдеше со оглед на моментната ситуација во Серија А каде што после четири кола се наоѓа дури на 12 позиција со само два постигнати голови.