Мицкоски: Не го познавам лично Ненад Савески, но верувам дека може да биде одличен државен јавен обвинител
Премиерот Христијан Мицкоски вели дека не го познава лично Ненад Савески, но дека верува оти тој може да биде одличен државен јавен обвинител. Во одговор на новинарско прашање зошто се одлучиле за Савески, Мицкоски рече дека во владата ги анализирале сите кандидати и нивните биографии и дека донеле одлука Савески да биде нивниот предлог.
Препорачано
„Ги анализиравме сите кандидати, ги анализиравме нивните биографии, воедно и заклучоците од Советот на јавни обвинители, и како Влада, во една конструктивна дебата, донесовме заклучок дека Ненад Савески, може да биде соодветно решение за нов државен јавен обвинител. Јас лично не го познавам Ненад Савески, но од она кое што можев да го видам од неговата биографија, но и од распрашувањето, цениме дека би можел да биде добар, односно да не речам одличен нов државен јавен обвинител“, изјави Мицкоски.
Панчевски формално нема да поднесе кривична – „институциите по допрен глас треба да се самоуапсат!“
