Меланија за многу кратко ќе треба да се прости со титулата прва дама на САД, но ќе остане запаметена по нејзините елегантни и гламурозни модни комбинации. Сепак, последниот капут што го носеше на новогодишната ноќ предизвика лавина од негативни коментари.

Во пресрет на влегувањето во 2021 година, Меланија и нејзиниот сопруг се вратија во Вашингтон од Флорида, и додека излегуваа од авионот „Air Force One “ и прошетаа низ тревникот на Белата куќа, таа за прв пат ја разочара јавноста со својот избор на капут.

Коментарите веројатно беа очекувани бидејќи сите нејзини капути кои ги носеше изминатиов период совршено ја истакнуваа нејзината завидна фигура, а овојпат Меланија се одличи за нешто поинакво.

ProfimediaСтанува збор за модел на капут попознат како „Bubble“ на модна куќа „Balenciaga“ која ја прифати естетиката на волуменозните капути и во претходните неколку сезони под водство на креативната директорка Демна Гвасалија.

Сивиот капут изработен е мешавина од волна со кариран дезен се истакнува првенствено со преголемиот волумен, а Меланија го искомбинира со црни чизми, ракавици и очила.

Чизмите до колена се дело на модната куќа „Dior“ и се продаваат по цена од околу 1.300 евра, ракавиците ги потпишува познатата италијанска марка „Bottega Veneta“, а омилените очила на Мелани се од француската куќа „Saint Laurent“, пишува „Т-портал“.

Модните критичари се едногласни околу овој моден избор и дека естетиката што „Balenciaga“ моментално ја пласира не одговара на стилот на Меланија, па и покрај бројните нејзини незаборавни модни изгледи, овој пат поранешната манекенка доби многу негативни коментари.