Селекторот на англиската репрезентација, Томас Тухел, утре треба официјално да го објави списокот за претстојното Светско првенство, но веќе е познато дека на него нема да се најде дефанзивецот Хари Мегваер.

Веста ја потврди самиот дефанзивец кој призна дека бил непријатно изненаден од одлуката да остане надвор од составот за Мундијалот.

„Верував дека можам да имам важна улога за репрезентацијата ова лето, особено по сезоната што ја одиграв. Искрено, бев шокиран и изненаден од одлуката. На момците им посакувам многу среќа“, изјави Мегваер за „Талкспорт“.

Дефанзивецот сезонава одигра 22 натпревари во Премиер лигата во дресот на Манчестер јунајтед, при што постигна еден гол и забележа две асистенции. Дополнително настапи и во домашните куп-натпреварувања.

Англија на Светското првенство, кое ќе се игра од 11 јуни до 19 јули, ќе настапи во група со Хрватска, Гана и Панама.

Германците го објавија списокот за Мундијалот, Ноер се врати во репрезентацијата