Најмалку 15 цивили загинаа денеска откако избија меѓуетнички судири во село во Мали. Во централниот дел на оваа африканска држава, каде што и се наоѓа селото во изминатите неколку години неколку стотина луѓе биле жртви на меѓуетнички убиства.

-Најмалку 15 цивили од етничката група Фулани настрадаа во оружен напад во селото Синда, соопштиле извори од полицијата, додавајќи дека дел од нив биле убиени на спиење.

Засега не се знае кој е одговорен за нападот.

Заедницата на Фулани редовно ги осудува нападите врз припадници на таа етничка група, бидејќи често е мета на ловци од другите заедници.

Фуланите се традиционални номади кои се занимаваат со сточарство и трговија.