Меган Маркл искрено проговори за шокантната ситуација од кралската турнеја: Изби пожар во собата на Арчи
Во првата епизода од нејзиниот подкаст „Архетип“, Меган Маркл ја угости својата блиска пријателка, тенисерката Серена Вилијамс, и искрено проговори за шокантната ситуација што ја доживеала во Африка во 2019 година.
„Не се сеќавам дека некогаш лично сум почувствувала негативна конотација зад зборот „амбициозен“ додека не почнав да излегувам со мојот сегашен сопруг“, рече Маркл во премиерната епизода на нејзиниот подкаст.
Нејзините чувства на темата за двојни стандарди беа повторени од Вилијамс, откривајќи со што се соочила и самата во текот на тениската кариера, со која решила да се збогува на почетокот на месецов.
View this post on Instagram
Во разговорот со Вилијамс, Меган откри досега непозната ситуација која се случила во 2019 година кога пристигнала во Африка со принцот Хари и Арчи.
„Кога отидовме на турнеја во Јужна Африка, слетавме со Арчи. Тој имаше околу четири и пол месеци. Штом слетавме, моравме да го оставиме во станбената единица каде бевме сместени. Имавме намера да го подготвиме за кревет, но веднаш заминавме на официјална веридба во градот Нијанг, каде што одржав говор пред жени и девојки. Тоа заврши и влеговме во автомобилот кога ни рекоа: „Има пожар во резиденцијата“. Ги прашав што се случило и тие рекоа дека има пожар во собата на бебето“, откри Меган на нејзиниот подкаст.
View this post on Instagram
Кога конечно стигнале во сместувањето, нивната дадилка Лорен ги пречекала во солзи.
„Требало да го остави Арчи да отспие и само рекла: „Ќе одам долу за да јадам“. Додека се спуштала долу, се запалила греалката во детската соба. Немаше детектори за чад. Некој случајно почувствувал мирис на чад во ходникот и влегол внатре, пожарот бил изгаснат“, раскажа Маркл.
View this post on Instagram
Иако била крајно потресена од настанот, таа морала да продолжи да ги извршува своите кралски должности со нејзиниот сопруг, принцот Хари.
„Реков: – Ова нема смисла. Можете ли да им кажете на луѓето што се случи? Фокусот на крајот беше на тоа како изгледа сè, а не како се чувствуваме после сето тоа. Дел од хуманизацијата и пробивањето на овие етикети, архетипови и кутии во кои сме ставени е да имаме одредено разбирање за моментите зад кулисите за кои луѓето можеби не се свесни, а ние мораме еден на друг да си дадеме оддишка. Затоа што сме тоа што сме, моравме да го оставиме нашето дете“, изјави Меган.