На третиот ден од грен слем турнирот Ролан Гарос, ја видовме првата голема сензација во машка конкуренција. Австралискиот тенисер Адам Волтон приреди изненадување во првото коло и го победи шестиот носител Данил Медведев со 6:2, 1:6, 6:1, 1:6, 6:4 за нешто повеќе од три часа игра.

Така, осмиот тенисер во светот, кој традиционално игра лошо во Париз, веќе ги спакува куферите.

Играчот со вајлд-карта е рангиран на 97 место на АТП листата, а во второто коло ќе игра против Американецот Закари Свајда, кој беше подобар од Австралиецот Алексеј Попирин со 3:6, 6:3, 7:6 (7:3), 7:5.

Францускиот тенисер Моиз Куаме се пласираше во второто коло на Ролан Гарос, откако на почетокот од натпреварувањето го победи Хрватот Марин Чилиќ со 7:6 (7:4), 6:2, 6:1. Куаме е рангиран на 318 место во светот, додека Чилиќ е рангиран на 46 место на АТП листата.

Грчкиот тенисер Стефанос Циципас се пласираше во второто коло откако во првото коло Французинот Александар Милер при 6:2, 3:0, го предаде мечот. Чилеанецот Алехандро Табило исто така се пласираше во второто коло, победувајќи го Полјакот Камил Мајхржак со 6:1, 6:3, 6:4.