Пред четвртфиналните натпревари на Светското првенство во Катар, време е да ја погледнеме статистиката која вели дека Килијан Мбапе води моментно на листата на стрелци со пет гола.

Напаѓачот на Франција го подобри настапот од групната фаза со два гола во триумфот над Полска, а одличната форма ќе има можност да ја продолжи и против Англичаните.

Тешко се достигнува рекордот на поранешниот француски репрезентативец Жуст Фонтен кој на едно Светско првенство, односно во 1958 година на шест натпревари постигна 13 голови.

Англичаните се потпираат на своите најдобри стрелци Букајo Сака и Маркус Рашфорд кои исто така имаат по три голови. На врвот на листата на стрелци практично од никаде се појави Португалецот Гончало Рамос, кој немаше ниту еден старт на турнирот пред осминафиналето, но постигна хет-трик против Швајцарија.

Од играчите кои и натаму се активни на СП, по три голови имаат и Лионел Меси (Аргентина), Ришарлисон (Бразил), Оливие Жиру (Франција) и Коди Гакпо (Холандија).

На три погодоци застанаа Алваро Мората (Шпанија) и Енер Валенсија (Еквадор) кои се елиминирани од натпреварувањето. Најмногу асистенции по три на Мундијалот имаат Бруно Фернандеш (Португалија) и Хари Кејн (Англија).