Македонскиот ракометар Мартин Поповски официјално го продолжи договорот до 2026 година со Амичитиа Цирих, соопшти денеска швајцарскиот клуб.

Нашето 29-годишно десни крило ќе остане верен на клубот до крајот на натпреварувачката сезона 2025/26.

Ја игра најдобрата сезона во Швајцарија откако се пресели во 2020 година од редовите на Тинекс Пролет.

Во својата клупска кариера беше дел и од Текстилец, Вардар Јуниор и Вардар.

– Многу сум среќен поради продолжувањето на договорот. Во последните години успеавме да се наметнеме меѓу четирите најдобри тимови во Швајцарија. Се надевам и убеден сум дека можеме да продолжиме со овој позитивен развој, па дури и да ги напаѓаме местата на подиумот во иднина – рече Поповски за клупскиот сајт.

Пофални зборови за Поповски има спортскиот директор на клубот, Габор Вас:

– Мартин се залага за развојот на тимот во последните години како ретко кој друг. Откако е меѓу нас, постојано ги развива своите ракометни вештини и прераснува во апсолутен лидер. Со својот професионален став и дух, тој е и пример за многуте млади играчи во нашиот тим – вели Вас.