Поради улична трка во Скопје, во недела ќе има посебен режим на сообраќај на булеварот „Илинден“, информираа од МВР.

Според Министерството, трката која ја организира Сојузот на спортови на Скопје ќе започне во 10:00 часот, а трасата на движење ќе започне од пред фонтаната Лотус (старт и цел), потоа право долж булеварот „Илинден“ до крстосница со булеварот „8-ми Септември“ каде се врти полукружно назад по „Илинден“ до целта – фонтана Лотус.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

На мапата подолу можете да ја погледнете трасата по која ќе се движат учесниците и кои делови од булеварот „Илинден“ ќе бидат затворени за сообраќај.