Садио Мане ги помина лекарските прегледи и наскоро се очекува и официјално да биде промовира како нов фудбалер на Ал-Наср од Саудиска Арабија.

Сенегалскиот напаѓач минатото лето пристигна од Ливерпул како големо засилување за Баерн Минхен, но Сенегалецот не се снајде на Алијанц Арената. Лошите односи на Мане со соиграчите и слабите настапи ги принудија првите луѓе на германскиот шампион да го продадат по само една сезона.

Се шпекулираше за заминување во некои други европски клубови, но минатата недела беше потврдено дека Мане, меѓу многуте ѕвезди, ќе игра и во Саудиска Арабија, придружувајќи им се на Кристијано Роналдо и Марсело Брозовиќ во Ал Наср.

Мане во Дубаи ги сподели своите впечатоци од разделбата со Баерн со германскиот новинар на „Скај Спортс“, Флоријан Плетенберг.

– Ме боли заминувањето од Баерн. Посакувам да имав поинаков крај. Сигурен сум дека можев да помогнам оваа сезона, сакав да им се докажам на сите. Но, на клубот и на навивачите им посакувам сè најдобро во иднина – рече Мане.

❗️Exclusive Sadio #Mané! On his departure from FC Bayern he told me:

"Leaving FC Bayern hurts me. I would have wished for a different ending. I know that I could have helped the team this season. I wanted to prove it to everyone this season. Nevertheless, I only wish the club… pic.twitter.com/D6ZrKmYDmt

— Florian Plettenberg (@Plettigoal) July 31, 2023