Селекторот на италијанската фудбалска репрезентација, Роберто Манчини не го криеше задоволството по победата на неговите фудбалери и пласманот во полуфиналето на Евро 2020.
Италија вчера во четвртфиналето на ЕП ја совлада Белгија со 2:1 и си обезбеди полуфинална пресметка со Шпанија.
– Мислам дека не бевме под преголем притисок за време на натпреварот. За да се победи тим како Белгија потребно е сите да одиграат голем натпревар и токму тоа се случи. Постигнавме два гола, а можевме и повеќе. Победата е целосно заслужена, следна е Шпанија и како што доаѓа завршницата така се потешки се и натпреварите – изјави Манчини.

Лоренцо Инсиње кој го постигна вториот гол за својата репрезентација беше прогласен за играч на натпреварот.
– Мислам дека секој играч одигра неверојатен натпревар, Постојано се обидував со тој шут нешто да направам и на тренинзите и на натпреварите. Среќен сум што конечно погодив, тоа беше одличен гол, но ова е колективен триумф – рече Инсиње.