Фудбалскиот клуб Манчестер сити отвори прелиминарни разговори за продолжување на договорот со Фил Фоден, и покрај неговата намалена улога под водство на менаџерот Пеп Гвардиола оваа сезона.

Англискиот репрезентативец има уште една година од неговиот важечки договор со „Граѓаните“.

Клубот од „Етихад“ е заинтересиран да ја обезбеди неговата долгорочна иднина и ја истражува можноста за продолжување на неговиот престој, според „Тајмс“.

Сити сè уште го смета Фоден за клучен играч за тимот и покрај зголемената конкуренција за места во тимот.

Шефовите на англискиот клуб немаат намера да го пушти да си замине, поради континуираниот интерес од европски гиганти како Барселона и Баерн Минхен.